Eɓɓo naatinde gannde ngaanndi e pulaar PDF Imprimer Envoyer
Écrit par Administrator Admin   
Vendredi, 06 Octobre 2006 19:29

Musidɓe fulɓe, hannde ko fayndaare mawnde ndawdu-ɗen. Gila gannde kese ngari e men, eɗen miijoo no pulaar/fulfulde heɓirta heen geɗal mum. Leñol kala ngol neɗɗo yiyi ena ɓamtii, adii ko gollaade haa darna ɗemngal mum darnde ganndal e darnde ƴellitaare. Pulaar ndefuɗɗii dadaade wonaa hannde, kono ko hannde tigi pellital naatani-en ngam abbaade ɗemɗe bafoyɗe, ɗemɗe kuwtorteeɗe hannde e fannuuji kala ganndal.

Ko gollaa e ɗemngal men hannde ena heewi. Pulaar sellinaama hannde to baŋnge binndol, ngaddinaaji ɗii ngoni ko e ɓallotirde, gannde ɗee gnoni ko e saakaade e nder pulpule. Kono ko en yawooɓe ñalnde kala sabu payndaaje ɗee ena ngoɗɗi tawo. Goonga ena wiyee "seeɗa alaa, ko barke woodi", kono en der ganndal hannde, barke yiɗaa yoo wonndu e ko heewi, ko feewi sabu anndal yaajii, fannuuji mum limotaako.

Ko waɗi-en ummanaade golle ngaanndi ko huunde tiiɗnde. Ko ngaanndi tan hannde waawi nawde golle men yeeso, foti ko jaŋde walla wiɗto sabu ko kuwtorgal jogingal nafoore. Gannde kala ena mbaawi moofteede e ngaanndi tawa nde neɗɗo welaa kala ena waawi ruttaade heen. Ɗo neɗɗo yahatnoo balɗe ena nawa kabaruuji hakkunde nokku e nokku, ngaanndi waɗata ɗoon ko hoƴom! Ndeke, ganndal ngaandi maa addan-en sukkude jolɗe gonɗe hakkunde nokkuuji fulɓe koɗi.

Fulɓe koɗaani e nokku gooto walla e leydi ngootiri. Leyɗeele Afrik kala ɗe fulɓe ngoni, ko maa jolee nde yimɓe njiytondira. Ɗum ena saɗtini dental walla jokkondiral hakkunde men. Ngalu woodaa saka ɗanle mbeeɓa, ngati ko fulɓe nanondirta ɓuri ko njahdirta.

LAST_UPDATED2
 
RocketTheme Joomla Templates
Copyright © 2017 FULA LOCALIZATION PORTAL. Tous droits réservés.
Joomla! est un logiciel libre sous licence GNU/GPL.